پاکستان کا مستقبل تعلیم یافتہ نوجوانوں کے ساتھ وابستہ ہے قمر عباس غدیری

02/26/2018

بھٹ شاھ ضلع مٹیاری
اصغریہ اسٹوڈنٹس آرگنائیزیشن پاکستان کے مرکزی صدر قمر عباس غدیری نے بھٹ شاہ  ضلع مٹیاری میں تنظیمی تعلیمی نشست سے خطاب کرتے ہوئےکہا ہے کہ پاکستان کا مستقبل تعلیم یافتہ نوجوانوں کے ساتھ وابستہ ہے۔ کاپی کلچر اور سفارشی نظام نے ملک کو تباہی کے کنارے لگایا ہے ، بجیٹ  مختص کرنے کے باوجود استعمال نہ کرنا حکمرانوں کی کرپشن کو ظاہر کرتی ہے طلبہ خو د احتسابی کرتے ہوئے مخلص ہو کر تعلیم حاصل کریں اور اپنے خاندان ، معاشرہ اور ملک کی ترقی و خوشحالی کیلئے اپنی تمام تر صلاحیتوں کو بروئے کار لائیں۔انہوں نے سندھ میں تعلیمی صورتحال پہ تشویش ظاہر کرتے ہوئے کہا کہ تعلیمی ادارے بند ہونے کی وجہ سے   ایک کروڑ سے زائد بچے اسکول سے محروم ہیں  جب کہ یہی بچے بڑے ہونگے تو غیر قانونی سرگرمیوں میں ملوث پائے جاتے ہیں، انہوں  ممزید کہا کہ نوجوان وطن عزیز کا سرمایہ ہیں اور انکی بہترین تعلیم و تربیت سے ہی ملک کی ترقی کا سفر ممکن ہے