02/14/2019
اصغریہ اسٹوڈنٹس آرگنائزیشن پاکستان کا 4 روزہ 48 واں سالانہ مرکزی فھم قرآن کنونشن ثقافتی مرکز بھٹ شاہ ضلع مٹیاری میں شروع ہوگیا ہے، جس میں حیدرآباد، مٹیاری، میرپورخاص، عمرکوٹ، بدین، ٹنڈو محمد خان، ٹھٹہ، جامشور، دادو، کے این شاہ، لاڑکانہ، شہداد کوٹ، جیکب آباد، شکارپور، گھوٹکی، سکھر، خیرپور، رانی پور، نوشہروفیروز، مورو، نوابشاھ، سکرنڈ سمیت سندھ بھر سے طلبا و کارکنان کثیر تعداد میں شریک ہیں۔ تفصیلات کے مطابق کنونشن کا آغاز شام 4 بجے سے ہوگیا، سندھ بھر سے آنے والے طلبہ کی رجسٹریشن کرکے ھاسٹلز الاٹ کی گئی ہیں، جب کہ نماز مغربین باجماعت ادا کی گئی ، کنونشن سے افتتاحی خطاب کرتے ہوئے اے ایس او کے مرکزی صدر قمر عباس غدیری نے کہا کہ اصغریہ ایک دانشگاہ و کارگاہ کی مانند ہے، جس نے 5 دہائیوں سے سندہ کی کئی نسلوں کی تربیت کی ہے، سندھ کی سرزمین کو جمود سے نکال کر اصلاحی اور عملی تربیت کی جانب گامزن کیا ہے، جس کے نتیجے میں ملت کے طلبا و جوانان سیرت حضرت محمدؐ و آل محمدؐ کی تعلیمات حاصل کرنے کیلئے بیتاب نظر آتے ہیں۔ کنونشن کے پہلے روز میں چئیرمین کنونشن محمد عالم ساجدی نے انتظامات اور ضروری ھدایات کی۔ جب کہ سوشل میڈیا کے مثبت اور منفی اثرات پہ راونڈ ٹیبل ڈیسکشن کی گئی جس کے پینل میں معروف صحافی عرفان علی ٹھٹوی،پروفیسر محبوب علی شر، سماجی اور مذھبی رہنما کاشف علی انڑ، تنظیمی مرکزی صدر قمر عباس غدیری شامل تھے، اصغریہ اسٹوڈنٹس آرگنائیزیشن پاکستان کے مرکزی کنونشن میں جعفریہ اسٹوڈنٹس آرگنائیزیشن پاکستان کے رہنما وجھات علی پہلوی کی قیادت میں وفد نے شرکت کی اور خطاب کیا کنونشن میں استاد محترم قبلہ سید حسین موسوی نے درس دیا ۔ واضع رہے کہ کونشن 17 فروری 2019 تک بھٹ شاھ میں جاری رہے گا۔