12/28/2017
اصغریہ اسٹوڈنٹس آرگنائیزیشن پاکستان کے مرکزی صدر قمرعباس غدیری کا امامیہ اسٹوڈنٹس آرگنائیزیشن پاکستان کی مرکزی خاتم المرسلین اسکائوٹنگ کیموری میں خطاب
ملک کے موجودہ حالات میں اسکاؤٹس کا کردار نہایت اہمیت کا حامل ہے، دہشت گردی کے خاتمے کے لیے اسکاؤٹس پر بڑی ذمہ داری عائد ہوتی ہے، نوجوانوں کو اپنی تعلیم کے ساتھ ساتھ جسمانی تربیت پر بھی توجہ دینی چاہیے ۔ ان خیالات اظہار کا اصغریہ اسٹوڈنٹس آرگنائیزیشن پاکستان کے مرکزی صدر قمر عباس غدیری نے کوٹ ڈیجی خیرپور میں برادر تنظیم امامیہ اسٹوڈنٹس آرگنائیزیشن پاکستان کی جانب سے منعقدہ مرکزی خاتم المرسلین اسکائوٹ کیمپوری میں کیا،قمر عباس نے کہا کہ دہشت گردی کے خاتمے میں افواج پاکستان کو موثر اقتدامات کرنے چاہیئے اور دہشتگرد عناصر کی سرپرستی کرنے والی تنظیموں کے خلاف کاروائی کرنی چاہیے، انہوں نے کہا کہ آج کے دور میں اسکاؤٹنگ بڑی اہمیت رکھتی ہے نوجوان نسل کو اسکاؤٹ کی تربیت اور نظم و ضبط کے ساتھ ساتھ عوام کی خدمت کرنے کے جذبے کو مزید فروغ دینے کی ضرورت ہے، جس سے ان میں جوش اور جذبہ پیدا ہوگا اور وہ معاشرے میں بہتر ی کے لیے اپنا مثبت کردار پیش کرسیکیں گے۔ اس موقع پہ امامیہ اسٹوڈنٹس آرگنائیزیشن پاکستان کے مرکزی صدر انصر عباس نے قمر عباس غدیری کو خوش آمدید کیا اور تنظیمی سرگرمیوں پہ گفتگو بھی کی گئی۔