09/29/2021
اصغریہ اسٹوڈنٹس آرگنائزیشن پاکستان کے مرکزی جنرل سیکریٹری محترم عاطف مھدی سیال نے اپنے بیان میں کہا کہ اربعین حسینی کی مناسبت سے پاکستان بھر میں مشی کے انعقاد پر حکومت وقت اور مقامی انتظامیہ کی طرف سے غیر قانونی ایف آئے آرز کی مذمت کرتے ہیں۔ مشی کے جلوسوں میں خدمت، ایثار، قربانی اور شفقت کے مناظر تھے۔ گاڑیوں اور عوام کی آمد و رفت کیلئے راستے بھی بند نہیں کئے گئے، اس کے باوجود مؤمنین پر ایف آئے آرز درج کرنا کہاں کا انصاف ہے؟
انہوں نے مزید کہا کے عزاداری ہماری شہ رگ حیات ہے، اس پر پابندی ہم کسی بھی قیمت پر منظور نہیں کریں گے، عزاداری کے انعقاد پر منتظمین اور عزاداروں پر انتظامیہ کی جانب سے خود ساختہ ایف آئی آرز کاٹنے کا عمل ناقبل برداشت ہے۔
انہوں نے کہا کہ حکومتی اداروں سمیت مقامی انتظامیہ اپنا جانبدارانہ رویہ ختم کرنے کے ساتھ ساتھ اپنی پالیسیوں پر نظر ثانی کرے اور تمام غیر قانونی ایف آئی آرز کو فل الفور ختم کرے.