04/14/2023
یوم القدس ہر مظلوم کی حمایت اور ہر ظالم کے خلاف آواز اٹھانے کا دن ہے، عاطف مھدی سیال
اصغریہ اسٹوڈنٹس آرگنائزیشن پاکستان، اصغریہ علم و عمل تحریک پاکستان، اصغریہ خواتین علم و عمل تحریک پاکستان کی جانب سے یوم القدس کی مناسبت سے حیدرآباد میں مرکزی القدس ریلی اولڈ کیمپس تا پریس کلب تک نکالی گئی، ریلی سے علامہ اسد رضا نعیمی ( مرکزی رہنما شیعہ علما کاؤنسل) مولانا اللہ بچایو ناصری ( خطیب قدم گاھ مولا علیؑ حیدرآباد)، عاطف مہدی سیال (مرکزی صدر اصغریہ اسٹوڈنٹس آرگنائزیشن پاکستان)، شہزاد رضا (مرکزی صدر اصغریہ علم و عمل تحریک)، سید پسند علی رضوی (رکن سرپرست کائونسل اصغریہ اسٹوڈنٹس آرگنائزیشن پاکستان) خواہر مجسمہ زہرا (اصغریہ خواتین) اور نرگس فاطمہ (اصغریہ خواتین) نے خطاب کیا۔
ریلی سے خطاب کرتے ہوئے شرکاء کا کہنا تھا کہ اسرائیل ایک دہشتگرد ریاست ہے جسے بنایا ئی دہشتگردی کرنے کے لیے تھا، اسرائیل مظلوم فلسطینیوں پر مسلسل ظلم کر رہا ہے لیکن اتنے بڑے ظلم پر اقوام متحدہ کی خاموشی دیگر انسانی حقوق کی تنظیموں کی خاموشی سب سے بڑا سوالیہ نشان ہے؟ اسرائیل تو جلد ئی انشاء اللہ ختم ہو جائیگا لیکن مسلم ممالک کی خاموشی افسوس کن ہے۔
ریلی سے مرکزی صدر اصغریہ اسٹوڈنٹس آرگنائزیشن پاکستان عاطف مہدی سیال نے صدارتی خطاب کرتے ہوئے کہا کہ یوم القدس کا دن ہر مظلوم کی حمایت اور ہر ظالم کے خلاف آواز اٹھانے کا دن، یوم القدس کو مردہ باد اسرائیل، مردہ باد امریکہ کے ساتھ مردہ سعودی عرب کا نعرہ بہی لگائیں جو یمن پر مسلسل ظلم کر رہا ہے، یوم القدس کو مردہ باد بھارت کا نعرہ بہی لگائیں جو مظلوم کشمیریوں کا خون پانی کی طرح بھا رہا ہے، ہم آئمہ معصومین علیھم السلام کے ماننے والے ہیں جن کی مکمل زندگی مظلوم کی حمایت کرتے ہوئے اور ظالم کی مخالفت میں گذری ہے، بانی پاکستان قائد اعظم محمد علی جناح نے کہا تھا کہ اسرائیل ایک ناجائز ریاست ہے جیسے ہم کبہی تسلیم نہیں کریں گے، ہم آئمہ معصومین علیھم السلام کی سیرت کو اپناتے ہوئے بانی پاکستان کے نظریے کی حمایت کرتے ہوئے پاکستان سمیت پوری دنیا میں رہنے والے اسرائیل کے حامیوں کو واضع طور بتانا چاہتے ہیں کہ ہم نے نہ کبہی اسرائیل کو تسلیم کیا تھا اور نہ کبہی اسرائیل کو تسلیم کریں گے۔
انہوں نے آخر میں ریلی میں شریک تمام شرکاء، علماء کرام اور دیگر تنظیموں کے رہنماؤں کا شکریہ ادا کیا۔
ریلی میں، بچے، جوان، خواتین اور بلند حوصلا رکھنے والے بوڑھے انسانوں نے کثیر تعداد میں شرکت کی اور ہاتھوں میں مظلوم فلسطینیوں کی حمایت کے اور امریکہ اور اسرائیل کے خلاف پلے کارڈ، بینرس، جھنڈے لیے ان سے بیزاری کا اظہار کیا۔
آخر میں آمریکا اور اسرائیل کے پرچم نظر آتش کیے گئے۔